یومِ اساتذہ تقریب، گورنمنٹ کالج ایبٹ آباد

ایبٹ آباد (اُسامہ اسحاق سواتی) پاکستان اسٹڈیز سوسائٹی کے زیرِ اہتمام گورنمنٹ پوسٹ گریجویٹ کالج ایبٹ آباد میں مختصر مگر پروقار یوم اساتذہ پروگرام کا اہتمام، پروگرام کے آرگنائزرز کا میڈیا سے گفتگو میں کہنا تھا کہ یوں تو ہر دن ہی اساتذہ کے نام ہوتا ہے مگر اس دن (5 اکتوبر) کو اساتذہ کے لیے مخصوص کر کے پروگرام کے انعقاد کا مقصد اساتذہ کو خراج تحسین پیش کرنا ہے، اس موقع پر پاکستان اسٹڈیز سوسائٹی کے صدر سردار عادل اورنگزیب کا کہنا تھا اساتذہ ہمارے روحانی والدین ہیں، یہ وہ ہستیاں ہیں جو خود بادشاہ نہیں ہوتے مگر اپنے طلبہ کو بادشاہ بنا کر انہیں آسمان کی بلندیوں تک پہنچا دیتے ہیں، ہمارے اوپر ان کی قدر اور عزت ہر حال میں لازم ہے، پروگرام کے دوران کیک کاٹا گیا اور طلبہ کی جانب سے پرنسپل گورنمنٹ کالج ایبٹ آباد پروفیسر ممتاز حیدر اور دیگر اساتذہ میں تحائف بھی تقسیم کیے گئے۔